جيتك وانا فيني من الشوق لهفة - خالد علي الكثيري

جيتك وانا فيني من الشوق لهفة
لاتقتل اللهفة ولا تقتل الشوق
 
جيتك ادور من شفاياك وصفة
فيني ألم وعلاجها قالو الذوق
 
مانيب طمّاع وترا هي رشفة
رشفة وانا من بعدها حِلف لاروق
 
تدري صمودي لا بغا منك وقفة
يعني يبيك تردّ له شي مسروق
 
قلبه وعينه عقله وكل نزفه
أغراض عاشق ضاعت بقلب معشوق
 
واذكر دقايق بيننا حيل ترفة
ساق الهوى ارواحنا كيفما يسوق
 
حتى منامي لا بديت انت صدفة
ان جيت اتحلمك ماودي آفوق
 
أطرافي الي صابها منك رجفة
وعيوني الي حارت بداخل الموق
 
تذكر زمانك يا عسى الله لطفه
وتحوفها من كثرة اشواقي حروق
 
جيتك أبي من برد الأيام ادفه
جفّت حروفي وانكسر كل منطوق
© 2023 - موقع الشعر