انا في حجى الله من جمالاً فرسني فرس
كسر شوكتي عنده وانا طيب الساسي
جمال الوليف اللي عيونه نجالا خرس
ليا شفتها حطيت يدي على راسي
يغيض العذارى لاتمشى بوسط العرس
تحاوط عليه الغيد خدماً و حراسي
جمالاً غدى للجميلات نهج ودرس
جمالاً بعد شفته قفى عني انعاسي
ياقارب زعيم الغيد فوق الصحاري ارس
عسى الناس تشبح راعي الزين حساسي
عرفت الشجاع الصيرمي راع الطباع الشرس
من البسمه الزينه غدى اضعف الناسي
ابو خداً ابيض كنه اللول والا الطرس
ابكتب على الخدين من لفحه انفاسي
وثغراً تحالى فيه جمره ترسني ترس
هو اللي يغيب العقل منَه ماهو كاسي
مرس زينك الذابح عقول العذارى مرس
يالين إن اغلبهم غدى فيه وسواسي
ترى اصعب حبيبي من تألم خلاعه ضرس
هو اقفايتك من غير علمك عن احساسي
الشاعر مسعود القحطاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.