القصيدة النونية

سبحان من ارهاك بالزين يازين
ياكامل الاوصاف يا كاحل العين

تبقى بوسط الكون سيد المزايين
وخلاك ربي كاملً وسط كونه

انت القمر والشمس والبدر والكون
ولا فيه مثلك بالمزايين مزيون

معشوق عينك جاك مشتاق مجنون
من يوم شافك ما تهدت جنونه

تبقى عظيم الزين يا ازين انسان
افخر مدامه عاشقك ابن قحطان

فيك الحلا واضح بوجهك والاوجان
ومسعود حطك في محاجر عيونه

محتاج اضمك واندفن في حضينك
ياللي وضح لي فالحنايا حنينك

يا جعل رب الكون يعمر سنينك
يا عاشقً عارف غلاه وشجونه

جريت لحن الحب رضوة عيونك
ابيك تضحك لي وتوضح سنونك

ترى جميع البيض تحتك ودونك
والا انت كل الزين واكبر ركونه

تعال خذني يالغلا في امانك
ولا باس لو تغدق علي بحنانك

ما فيه احدً بالمخاليق هانك
واللي يهينك بسحبه من جفونه

يا نور هذا الكون يا نور عيني
نونيتي هذي تبيّح كنيني

ياليت تسمع يا حبيبي ونيني
لو كان بالونّات ذل و مهونه

في ظهر خصمك بايناتً طعوني
يالعاشق اللي يستفز الشجوني

وانت الذي بين الخلايق تموني
من هو يحبك حيل تظهر قرونه

إفداك إنا من بين كل العواني
يا اجمل جميلً بين كل الغواني

ياللي غرامك في ضلوعي كواني
لازلت لي عاشق ولا اقدر اخونه

صحيح روحي في يدينك رهينه
ومسعود لجلك مد حتى يدينه

يبغى الوصال اللي يجي فيه بينه
من قبل لا تخلف بعقله ظنونه

الشاعر مسعود القحطاني