جعل فدوه جمالك من يذم الجمال

لـ مسعود القحطاني، ، في الغزل والوصف، آخر تحديث

جعل فدوه جمالك من يذم الجمال - مسعود القحطاني

جعل فدوه جمالك من يذم الجمال
كل وجهً قبيح وكل شخصً خسيس

جيت كلي غرام وجيت ابغى الوصال
لو يحين المواصل فالخميس الونيس

لا تقول المواصل فضوهً واحتمال
ساهج الرجل صوبك في ديار الخميس

يعني ابغى اشوفك يرحم امك تعال
ما خبرتك بخيل ولا خبرتك نحيس

اذكر انّا نسولف في المواصل ليال
بين حلمً جميل وبين واقع تعيس

لاتحسب المواصل شي صعب المنال
والله انه رخيصً في عيوني بخيس

فرحتي في وصالك يا شبيه الغزال
فرحهً ما وصلها في حياته عريس

ما هقيتك تفارق دون علم وجدال
احسب انك تمازح يالعقيق النفيس

والمفارق مصيبه في صدور الرجال
مثل خلع الضروس ومثل خلع الرئيس

الشاعر مسعود القحطاني
© 2024 - موقع الشعر