من يعلم عاشقي يوم قفّى وش جرى

من يعلم عاشقي يوم قفّى وش جرى
عفت اهلي والربع والمعاني والشعر

جرح بعده باقي في الخوافق مابرى
مثل ما هو باقيً نحت حكمه بالصخر

مستحيل انه خلق ياجماعه من ثرى
يمكن انه منخلق في تواصيفه قمر

كل ماجاني هنا راحت اعدائه ورى
كل عاذلً ينخرس يوم ياتي ويحضر

كن ربي جايبه وسط قلبي له ذرى
استحله ثم جلس جعله بطولهْ عمر

كيف تطرون العشا كيف تطرون الكرى
والغلا جالس معي كيف بالله يا بقر

كل ماشفته مشى فالمداين والقرى
يعطي الناس اندفاع إن تدور فالبشر

ابك محلى شوفته يوم شفته في حرى
مثل من شاف الذهب بعد ماعاش الفقر

رحت اتبع جرته والحبيّب ما درى
لين جابتني على موت قلبي والقدر

مثل زينه بالبني فالصراحه لم ارى
صعب اخلي المعتبر ليس شياً معتبر

طاح من زينه حكم شيخ قومً ووزرى
واجتمع كسر الزجاج بعد ماهو منكسر

ليت علمني شوي ويش عنده من سرى
لجل انزل اكتي واردف الاكه بزر

ليت يدري لحظهً بعد زوله ماطرى
صرت من شوقي اليه اتوطى بالجمر

كان لوصالي نوى كان لوصالي ضرى
حالفً اني لا اشعم النار في وقت الظهر

وكان بيّع جفوته ثم رجع له واشترى
مثل من باع الصقر واشترى ديك الفجر

وكان جاني معتذر في غيابه يا ترى
اعذره واقبل عذر أو ادور له عذر

لو بغى اطلع كرى قلت له بطلع كرى
انت ما تطلب طلب انت تامرني امر

انت مالك فالبني لا شبيه ولا خشرى
تختلف كل البني بين وجهك والبدر

ياحبيّب طالبك دام مسعود احترى
عجل ارجع طالبك وامسح الدمع الحمر

الشاعر مسعود القحطاني