اشوفك غافلً يا زين غفله

لـ مسعود القحطاني، ، في الغزل والوصف، آخر تحديث

اشوفك غافلً يا زين غفله - مسعود القحطاني

اشوفك غافلً يا زين غفله
ذبحني فيك يا خلي برودك

براءه وجهك اللي مثل طفله
تجنن ما بقى لك من شهودك

اسوي من غلاك اليوم حفله
وتفرض في جماعتكم وجودك

الا يا ريم و انتي ريم جفله
جفولك ما تعدى عن حدودك

الا ياريم مانتي بنت رفله
غرامي فيك من مزّه نهودك

عذولك سافلً من نسل سفله
وحبيبك عارفً توفي وعودك

عذولك يستحق الفين تفله
عذولً مادرى وشهي جهودك

ترى مسعود الى زينك وقف له
جمال الوجه ايضاً بك يزودك

جمال الغير والله ما اهتف له
جمال الغير ما عمره يقودك

جمالك يرفعه مليون نفله
وورود الدار ما تعلى ورودك

دخلتي قلبي اللي زاد قفله
وانا جندي يحبك من جنودك

قصيدي فيك غيري ما عرف له
حرامً لو تغره في خدودك

نهايه ما اقوله واعترف له
حسدت اللي تحبك من جدودك

الشاعر مسعود القحطاني
© 2024 - موقع الشعر