الدمعه اللي بالمحاجر اهلّها

لـ مسعود القحطاني، ، في الغزل والوصف، آخر تحديث

الدمعه اللي بالمحاجر اهلّها - مسعود القحطاني

الدمعه اللي بالمحاجر اهلها
من يوم قفت وانعتم كل ليلها

عذرا وتجلس دايمً في محلها
محلها وسط الضلوع ومقيلها

صحيح راحت بس لازلت اجلها
واطلب اله الكون ابقى خليلها

ابيات شعري حالفً ما اشلها
يالين ترجع واحتضن واشتكي لها

متى على الله ترجع لعين خلها
وتهنى عيوني في مقابل عميلها

اكذب على العالم ليا قلت املها
زعيمه فالزين محداً يعيلها

ام الرموش السود ودي بظلها
الله على رموشً تضيع دليلها

عذرا وزادت في الغنادير غلها
كم بنت ماتت من حراره غليلها

بالزين تقتل بالغنادير كلها
ولا فيه احلّى منها أو مثيلها

وكل الصبايا بالحلا ماتصلّها
لو مكيجن خمسين بنتً بجيلها

زعيمهً محداً من البيض ذلها
البيض فوق الراس غصبً تشيلها

وعيوني اللي من شعرها تتلها
البيض ترجي شمهً من جديلها

تاقف امام البيض محداً يزلها
اليا وقفت كل البني تنحني لها

سيوف الحلا فوق العذارى تسلها
وتقول كل البيض مني ياويلها

الله على اللي كل عقده تحلها
ياليت إنا ياناس عابر سبيلها

كثيرهً ما تعطي الغيد قلها
وقليلها ياجعل افدى قليلها

وسط الضلوع العوج ترقب مطلّها
وتدوج في وسط الضلوع وتهيلها

لا شفتها محزون غصبً افلها
ولا شفتها فرحان تفصخ شليلها

الشاعر مسعود القحطاني
© 2024 - موقع الشعر