طرد السراب

لـ عماد محمد الرشيدي، ، في العتب والفراق، آخر تحديث

طرد السراب - عماد محمد الرشيدي

راحت الايام في طرد السراب
والعمر بيديك ضيعت اكثره

كل شي(ن) هان في عين المصاب
غير جرح(ن) لنتحى الليل اذكره

ول ياطاريه يا مال الذهاب
لا طريته غصب ليلي اسهره

ما تخاف الله في يوم الحساب
وانت ذنبك في فؤادي تجهره

عشت في قربك ملذات العذاب
وكل صاحب لا نصحني اخسره

ولا لحقني في محبتك ارتياب
لو اشوف الدم بيدك تهدره

لين شفتك ناوي(ن)درب الغياب
ومن نوى كسري صمودي يكسره

ولا يفيد الحين تجريح وعتاب
من حقرني والله اني لأ احقره

ولو يلوح الحلم باطراف السحاب
في عزومي والله اني اقدره

بس حلمي فيك مافيه الثواب
بحر(ن) اغرقني وغيري أبحره

صدمة فراقك تخاريف وضباب
ما احس الجرح؟ لكن اشعره!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر