ويش جابك !

عقب مارحت قلي صاحبي ويش جابك
دام روّحت روّح رافقتك السلامه
 
تحسب إني على الفرقى بموت بغيابك
لا وعينك على فرقاك عندي صرامه
 
ليش مدري و مدري كيف قلبك غدابك
لا تجي تعتذر لي لاحقتك الملامه
 
شاب حبك بعيني و أنت بأول شبابك
ما أحترمت الغرام و للغرام أحترامه
 
كيف قلي جزيت الجرح قلبٍ رضى بك
تجرح إللي يحبك يا قليل الفهامه
 
قلت لك حاذر أحذر زين و احسب حسابك
ماني إللي يعض أصبعه بعدك ندامه
 
و لاني إللي ليا صديت عنّه شقى بك
كم شقينا و لا طعنا الردي و الهلامه
 
صدق من قال بإن الحب لا منه صابك
ما يخليك لين إنه يسبب علامه
 
فج هاك الضلوع وشوف تالي خرابك
شوف قلبٍ يحبك غارقٍ في حطامه
 
مثل جرفٍ هيار إليا وطيته هفابك
وكلش يهون لكن ما تهون الكرامه
 
جيت تحسب ليا عوّدت يا مرحبا بك
لا هلابك عقب صدك ولا هي غشامه
 
دام قلبك على الهجران خذك و سرا بك
العذر خال جرحك و الذرايع عمامه