عين مرّي

لدّيت عينٍ بالزلل عين مرّي
و غضيت طرف اللوم عن كل جِرّه

و دمحت مسعى من تسابق لضرّي
و زرّيت ثوبي بعد ما قِطع زرّه

وآثرت صمتي .. بعد ما اكفيت شرّي
وارخيت حبل العذر للي يجرّه

سامحت .. لكن العذول استشرّي
ماترحم العذّال من يكفي شرّه

(الصمت أولى) في زمان " المعرّي"
هذا الزمن من يسكت يذوق مرّه

لا بارك الله بصاحبٍ باح سرّي
ولا عشت يا قريّب سعى بالمضرّه

ما تنظف قلوبٍ بها الغِل ضرّي
لو تنغسل باليوم عشرين مرّه