ياناس خلو عشيري - سمير بن صليهم

يا ناس خلوا عشيري ى تهوشونه
تكفون تكفون لا تقصون بالغالي

يا ذاهبين الحمايل لا تطلقونه
يا عل ما من على الدنيا لكم تالي

أنا ليا شفتكم قمتم تسبونه
ما لي جدى كود دمع مع العين همالي

حق عليكم بزلاته تخلونه
يمشي على ما اشتهى زين التعزالي

مجهول ما شاف درب الحب واشلونه
يحسب سلوم المودة لعب جهّالي

توه على زم عوده صافي لونه
اصفر عفر مال زينه جنس واشكال

يا عود موز هلا الحايط يذرّونه
عن السمايم نعم في شط واظلالي

نبنوب توه على أول زمة اغصونه
وامنين ماجاه ذعذاع الهوى مالي

والزين في لبته والسحر بعيونه
يا طاردين الهوى سموه قتالي

اشوف أنا فيه شي ما تشوفونه
هذا بلا علتي وأسباب غربالي

هو ما يقول ايه وأهله ما يبيعونه
وأنا قليل الطرف ما في يدي مالي

© 2024 - موقع الشعر