هلا بأميرنا

هلا بأميرنا حامي وطنا
عدد ما شيف نور الصباح بادي

تهليبك مدينتنا وحنا
نرحب فيك يا طير الهدادي

حكمت وشلت كل الهم عنا
ابمفهوم الشريعة والمبادي

بنيت بيوتنا وبها سكنا
وفيها صيفنا يرجع برادي

ليا نمنا عيونك يسهرنا
وترعانا بجد واجتهادي

ولك طير السعد رفرف وغنا
بحب الشعب من حضر وبوادي

بذلت أغلى ثمن من غير منا
يومنك من عريبين الجدادي

لشعب ليدعيته ماتونا
زيزوم الحرب بأيام الجهادي

الجاهل يسأل التاريخ عنا
عن القصر الحمر يوم التنادي

تحدينا جموع يزبرنا
وتكاتفنا وطرّدنا المعادي

هني لك بشعبك يا مهنا
وهني الشعب في شيخ البلادي

وكل ابنا الصباح ابنا وطنا
حمات الدار ورجال الوكادي

وهذا ما نريده ونتمنى
حماك الله من شر الأعادي