وش عاد لو سلم

وش عاد لو سلم علي ابيمينه
زلت طرات امشّط الرأس بالهيل

غرّيت من زين الوصايف ابحينه
وهو على المطلب وأنا أغليه بالحيل

توَّه غرير ومستجد بزينه
يسبي الحشا ويذلل العقل تذليل

قاد الهوى وانساق بيني وبينه
من الرأس ما يحتاج رد المراسيل

ورِع درع بالزين يوضي جبينه
كنه يعلق به شموع وقناديل

تمشي هلهل بارضاه ومدللينه
وينقشونه في عقود وخلاخيل

لين استوى غصب على حاسدينه موزٍ اتذريه الغروس المظاليل
وإلا كما البردي بشكله ولينه

اليا نعم عوده على شاطئ النيل
عشنا معه فرصة حياة ثمينة

فاتت وأنا ما حشت فيها محاصيل
واليوم راح العمر واقفت سنينه

ماني براجيهن يجنّي مقابيل
وقت مضى يا صاح ويني ووينه

أقفى كما تقفي هميم المراحيل
بسلفان بدوان غعدوا بالظعينه

شدوا من الماعقب ما شافوا سهيل
يالله بحاهع اللي سكن بالمدينه

رحمتك يا منشي سحاب الهماميل
وإلا كثير المال زينه وشينه

ما فاد بعض الناس جيل باثر جيل
مال الفتى إلا زين خلقه ودينه

مع ركعتين تنفعه تالي الليل