الظاهر ان الزعل

لـ ، ، في المجالس والقهوه

المنسابة: كذا

تبي الكلام الصحيح اللي عليه الكلام
الظاهر ان الزعل موضوع طاروقنا

والله مانبغاه دام الوضع زين ومادام
ابليس من تحتنا والله من فوقنا

لكنها جات عفوية علي الحرام
وهذا نخلنا وهذي تمرة عذوقنا

اقول واللي بقوله من عتاب وملام
للعالم اللي غلاها كان بعروقنا

بعد التحية وموفور الغلا والسلام
عاد الوفا طبعنا والمرجلة سوقنا

ان كانكم مثلنا حنا على مايرام
وان كانكم غير حنا هذي طروقنا

مسالمين ونحب نعيش حسب النظام
ومحد بواصل وفينا ايدين لحلوقنا

دايم علاقاتنا مع كل طيب تمام
ونلاحظ فروق من يدري عن فروقنا

مانحترم واحدن مايستحق احترام
ومانوفي حقوق من لا يوفي حقوقنا

وسياسة الضرب لامن جات تحت الحزام
ماهيب طبعن نحب ولا هي بذوقنا

واللي في شخصيته رجه وفيه انفصام
ماهوب معذور لامن حاول يبوقنا

من يخدعه غصن زيتونة وريشة حمام
لا يخدعه من طرفنا حلو منطوقنا


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر