من الزعل صدري يغيض ويمتلي
تفتحت فيه القفول المقفله
عقب الحصان اللي من اول يصهلي
التيس ابوقرنين جاله بلبله
وابن الحموله عن مكانه نزلي
الله واكبريازمانن نزله
واللاش صاراليوم راسه معتلي
جاله مكانه جعل ربي ياخذله
صارالطلي الذيب والذيب الطلي
والحر خاف من الحمامه تقتله
وصارالرماد اللي مهمد يصتلي
والنار ماتت عقب كانت مشعله
ونبت الخزامى جامحله حنضلي
والطيب عوده مثل عود الحرمله
وين الرجال اللي تحل وتفتلي
هاذي منازلهم خلين ممحله
ياكثر ماشفت التغير ياعلي
والله وعلم با لليال المقبله
ياليت كل اللي يشوف المبتلي
يقرى عليه الغاشيه والزلزله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين