تدري

تدري لو انّا قبل قرنين ميلادي
يوم الفروسية تسمى فروسية

كان وجهك بارد ومركزك عادي
لاسلطتن تملك ولا عندك ارعيّه

يصير من طول على الصبر معتادي
ويصير من طول على النت نفسيه

بعطيك نبذة عن تواريخ الاجدادي
ماهيب مجحودة ولاهي بمنسية

اجواد لامن شافت العالم .اجوادي
وسحابتن.. فيها من ..الخير وسميه

ماتجحد العشرة ...ولا تنكر الزادي
ومجموعها في الطيب تسعين في الميه

لكن لامن السالفة... صارت عنادي
وتغير الموضوع ...واختلفت النيه

وماعاد هي بلحية نبي وضعنا هادي
وضرب المهند مافترت كف راعيّه

بتشوفهم تدحم جماعات وافرادي
لاثارت اغبرة الرياجيل في الهيّه

لكن مادام الامن موجود في بلادي
والشرع دستور الحكم في السعودية

والسيف يقطر.. والرياجيل تنقادي
ياويش نبي بالجحر ومقاشر الحيّة

خلونا في البل والمزايين والنادي
ولحدن يمثل عندنا افلام هنديه

ماكل من سموه ب محمد مهادي
وماكل شقراً في المحلات بريه