سلامة ابويوسف .

يااحمد محمد عندنا مقدّر وغالي وامحسوب
واللي يٍعرف الطيبين من الرجال يقدّره

وان هب ذعذاع الهوى من شرق والاّ من جنوب
يطريّ عليّ يااحمد وطيب ٍ فيه اعده واذكره

لا باس والاقدار مسموح ٍ لها في كل ثوب
تدخل وحنا مؤمنين ٍ بالقدر ما ننكره

لا شك مكتوب ٍ ولامزبن منه ولا هروب
واللي حصل يااحمد لبويوسف من الله قدره

الروح سلّمت والخطر زال وتقفته الهبوب
واخطاه شرالسو وابعد عنه واعطاه اظهره

نجّحت عمآلياته وسُرت لها بيض القلوب
بالرغم حساسه وخطره جابها الله ميسره

لاحت بشاير للفرح واستاسعت كل الدروب
وتفتحت بوب الامل من بعد ماهي مسكره

وتحركت مشاعر اللي يعرفه من كل صوب
الكل منهم يحمد الرب الكريم ويشكره

اشعربما يحاصرك من ضيقه ومن هم وكروب
ببداية اول ليل من شوال وهلال اقمره

متخيل ٍ واقعك عشته معك من بعد الغروب
وكل من بالبيت يااحمد يمك يلد انظره

في يوم عيد الفطربكره وانت نطاح الوجوب
لا واحد ٍ يحس بغيابه ولا يستنكره