احتضار على دفتر الذكريات

مساء الجرح يا أجمل جروحي .. وينها دنياااك؟
بكى وجه المكان اللي تعود طلة جبينك

زوااايا غرفتي .. عطرك .. وقلبٍ يرتجي لقيااك
ودفتر يحتضن أحلى الأماني وأجمل سنينك

تغيييب وما يغيب بداخلي حبك.. ولا ذكرااك
ويكسر هيبتي نفس السؤال وأحتضر .. وينك؟

أسافر عنك وأتغرب .. أعاند حبك وأنسااك
وتاخذني الدروب بغربتي لأقرب عناوينك

وأنام من ألألم وأصحى على صوتك .. ولااا ألقاك
ولاقي هالزمان اللي وقف ما بيني وبينك

وأظل بحيرتي تاايه .. هنا نصفي .. ونصفي هناااك
واكبر ذنب سويته زرعت الروح في طينك

شريتك .. يوم هالعااالم رخصك وللألم خلاااك
رضيت العيش في صحراا لجل أروي بساتينك

حبيبي .. كان هو قصدك تحطم عاشقٍ يهواك
وتزرع في ضلوع اللي يحبك نصل سكينك

وهبتك روووح يا عمري .. واكيد إن الجسد يفداك
وحاسب قبل ما تطعن .. أخاف تجرّح يدينك

حلاة الموت يا حبي .. إذا يوصل على يمناك
ترى أجمل شرف إني أموت بطعنة يمينك

ولو طال العمر بكتب .. (أحبك) في سما دنياااك
ويبقى هالسؤال اللي كسرني للأسف ... وينك ؟؟!