تغرد طيور الصباح - مهدي ال سميطان

تغرد طيور الصباح الهادي
وتهيّج شجون الهوى بفوادي

سلام ياوجه الحياه المشرق
اللي عشقته مثل عشق بلادي

الحب وجهك يا ابتسامة وجهك
اللي مثل ريح المطر والكادي

صوتك وسحر عيونك ونظراتك
ورموشك اللي غيّها متمادي

ورسايل الشوق القديم وعطرك
واول لقا على الرصيف الهادي

محفورةٍ في القلب صوت وصورة
لو كان شفت الشيب فيني بادي

الحب نفحاتٍ سرى ساريها
تقول سيلٍ ضاربن له وادي

ياكبر قدرك في الضمير وشوقك
كل ماتغنى للمحبه شادي

آجاهد الدنيا لجل تبقى لي
ماهوب حبٍ في الحياه جهادي

والا أنا ادري مابقى لي منك
إلا عنا قلبي وطووول سهادي

لكن ليا من حب مثلي مثلك
يحرم عليه يكون حبه عاااادي

© 2022 - موقع الشعر