كل ما شفتك تغرّد أبتسم :)

كل ماشفتك تغرّد أبتسم
واجلس ارقب كل شي ٍ تكتبه
 
أتفكر فيك وآجر النسم
كل همّي كيف قلبك أسلبه
 
لو جمعني فيك رتويت واسم
والقصيد اللي من الروح أجلبه
 
لكن أشعر خافقي منك انْوسم
ليه مدري يمكن الود إجذبه
 
كل يوم ارسم لك اشواقي رسم
وانت كل اللي كتبته تعربه
 
البيوت اللي مثل برق الوسم
صارت إمن الحب تعطيك أعذبه 
 
تدري إنّك من خفوقي لك قسم
وأدري إنّك يا نظر عيني شبه
 
جيت كلي لك أحاسيس وجسم
غير حرفٍ جاك من روحي هبه
 
والله إنّي يا الغلا  أقسم قسم
لك بقلبي شي مقدر أشطبه