تغيرت اطباع ابناء آدم - خالد بن عبدالعزيز التميمي

سلام ياللي يستلذ التقادم
وابك البقا ياللي يبي الماضي يدوم

تغيرت اطباع ابناء آدم
وتغيرت معها قناعات وسلوم

فعل الخطأ راعيه ماهوب نادم
ولاعاد به شرهة ولاعاد به لوم

وصارت مشاعرنا تحب التصادم
والحق ضايع بين صادم ومصدوم

طوفان فيه السل طامي وهادم
مايردعه لو فيه رادم ومردوم

لكن نصيحة من محب منادم
يشوف في وقته غيارات وعلوم

حاول تغير نظرتك للأوادم
حتى تعيش بنظرة العالم اليوم

ساير جديد اللي مع الوقت قادم
عشان ماتصبح مع الناس معدوم

خالد
© 2024 - موقع الشعر