ياهاجسي حضرفريدن كما اللوز
هات الفريد النادرات البرايز
ببرز قدم رجلي معى كل مبروز
واسوقها سوق الرجال العزايز
ماسوق رجلي غير في درب مقزوز
واضح وضوح الشمس ماهو محايز
يااللي ترودون الأكاذيب ميجوز
وايضا بعد بالشرع ماهوب جايز
الصدق في جوى المعاليق مكنوز
يومن بعض الناس بالصدق بايز
اهل النقى والطيب تستاهل الفوز
ولدالردي ماهوب للفوز فايز
ياسامع الامثال لاصارلك عوز
سند ونصه من يجيب العوايز
ارجالن يمانيها من السمن بزبوز
مافكرت بالهزل ولاعنه عايز
افعالهم بيرق على المجد مركوز
وضعوف الأنفس ماتغز الركايز
اعيال زايد هم ذرى كل منحوز
للي حداه الوقت وعوده مشايز
اعيال زايد توفي المد بالجوز
تعطي عطى محدن عطاها لفايز
وضحت في شعري علامات ورموز
ولاابغى ورى ذالقول مد جوايز
من شانهم سقت القوافي على اوز
والقاف الأخر جى من الفكر أأيز
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.