السهر بالليل - فهد الدعجاني

السهر بالليل للهاجس خذاني
والعنا والهم فالقلب احتواه
يسري الهاجوس والطيف ايحداني
واكتبه ياليت في حرفي قراه
اخنق العبرات لاكنها تباني
واستهل الدمع بجفوني غشاه
قلبي المجروح من جرحه يعاني
من يداو الجرح لازاد بشقاه
جرحي المفتوح والله مايداني
لمسته والقلب زاد الله عناه
من فراقك انت ياعذب الثماني
انت داء القلب وايضا في دواه
ياحبيبي والله اني بك تراني
والله ان القلب بيحلك خفاه
لجلكم اسرجت واشقيت المعاني
مبتلي والقلب زاد الله بلاه
الصحاري دهر وبالضفه مواني
والزهور ايبوس مافوح شذاه
نسنس الذعذاع بضلوع المحاني
وانعش الخفاق وبث ابها الحياه
ليت زوله عاد يمي ماجفاني
يوم قلبي يفرح بلحظة لقاه
لو بعيد اقول يمكن هو نساني
المصيبه دوم بعيوني اراه
وكان قربك صعب والرجعه اماني
اطلب المعبود يارب اتهداه
وكان تبغى الصدق والهرج الضماني
الزمان الزين لقانا قفاه
ان لقيت الحب في هذا الزماني
عقب المكتوب ثم اشره علاه
© 2024 - موقع الشعر