مالك عذر

اقفيت عني وأعرف بقلبك اعلوم
واقفيت عنك وفي ضميري لك أخبار
من دون لاسبه ولاشيء مفهوم
هو ليه تتركني على ( ليه ) محتار
عيني تشوفك يالغضي دايم الدوم
وانتي تشوفيني من الوقت تكرار
اعرض بوجهي لو انا منك محروم
عيا الزمن يأتي على كيف ماأختار
منته بي مكلف وانا فيك ملزوم
تبعد وانا أبعد كل منا على ناار
كن التفاهم بيننا شبه معدوم
قلبي وقلبك يخفي أسرار وأسرار
أحذر يطول الصمت والحب مقسوم
مالك عذر وأنا بعد مالي أعذار
صح ! الهوى ظالم وانا منه مظلوم
يبلى قلوب الخلق والوقت غدار
ياما وياما بالهوى راح مرحوم
وخلد من التاريخ بالعشق تذكار
وبالمختصر ماعاد به شيء مكتوم
ياملهم حروف القصايد والأشعار
أحذر يطول الصمت والحب مقسوم
مالك عذر وانا بعد ماالي اعذار