أعيش الحب

ألا ياهاجسي يالله تعالي
وبوح أن كان جالي بك مجالي
أبا ريح ضميري من همومه
تثاقلته كما ثقل الجبالي
أبا عبر عن أحساسي بحرفي
وأبا جسد حروفي من خيالي
كتبت الحرف لجل أنسى عذابي
وأثرني بالعذاب أصبحت سالي
عذاب الحب وأصبحت بطريقه
وصرت الحين بالحب أمتوالي
أعيش الحب وأثر الحب بلوى
مشيته غصب ولادري وش جرالي
ألا ياغضة الجيد أسمحيلي
أبا أقول لك شيء مايقالي
أنا مالت أحاسيسي تجاهك
وزاد الميل ماعنه أعتدالي
وأبا أقولك عن باقي كنيني
هبيل وزايدً فيني هبالي
أذا شفتك يذوب الهمس فيني
وغدى كل الكلام اللي ببالي
ترى غصن الغرام اللي بقلبي
ذبل وأسقيه من نبع الوصالي
أحبك كثر ماعاش الحنيني
ياأعز أنسان وأغلى راس مالي
وأحبك كثر أنفاس الأنامي
أحبك كثر ذرات الرمالي
أحبك كيف أنا ابوصف بحبك
عجزت أرضيك والعمر أمتتالي
الأ ياللي تميزك الذرابه
الأ ياليت تدري ويش حالي
أنا منك عظامي مع ضلوعي
توالت به صواديف الليالي
تعال وطف بيدينك حنيني
عليك تزود ناري وأشتعالي
وجودي في حياتك شيء ممكن
ووجودك في حياتي شيء غالي
أنا برجوك والرجوى على الله
أبيك أتروف ياحسن الدلالي
أنا لك مُلك ينصب لك عروشه
وعرشه قلب وضلوعه زوالي