سهم فحوى

عشقتك عمر وانهيت المحبه في ثلاث ايام
حرام ان الجفا في صفحة العاشق هو "البلوى"

انا اللي كل ما هام القصيد بخاطر اللي هام
اهيم بغفوتي لين العيون بشوفتك تروى

تخيلتك مثل صوره تحيّر فكرة الرسام
جمالك حطّم اقلامه وبروازه ومايحوى

عيونك امن للخايف وخشمك سيف للاعدام
وخدك كيف يسوى الزعفران وشفتك حلوى

وخصرك زعل اهل الشرق من هرمز على اهل الشام
وصدرك ايتين مشابهات المن والسلوى

وقربك لا يزال اغلى الاماني واجمل الاحلام
وخلودك في خفوقي صاغ قصه فالهوى تروى

كتبتك في دواووين الغرام وجفت الاقلام
ونخيت الدمع يوم الدمع لا رحمه ولا تقوى

احن القلب من كثر الجروح وطعنة الاجرام
خناجر من عناوين الفراق ولا سهم فحوى

يطيب الجرح كان الحظ تحت انقاض هجرك قام
وفاء حزني معي ما عاد خلّا للعمر سلوى