متى الاقدار

لـ سعود بن محمد رشيد الذكرى، ، في غير مصنف، 73، آخر تحديث

متى الاقدار - سعود بن محمد رشيد الذكرى

مدري متى الاقدار تجود بهناها
ومدري متى الأيام تبين سعدها

البارحة تالي الليل أحسب شقاها
لقيت ضيم الوقت يرجح عددها

من قديم الوقت بأرض وسماها
مخاوي شقا الأيام ومرافق نكدها

تمر علي اسنين ويكبر عناها
وأقول بآخذ عزاه ويطول مددها

أشوف خلايق دوم ويفنى فناها
وشقاي مامن موت وصامل شددها

غريب والله أشقاي كني مُناها
كني لروحه أوطان وروحي مجدها

ياعلة شقى الأيام وجدي قفاها
تقفي مع المقفين وتنحل عقدها

وياسعدة سعد هالوقت أروي ظماها
وإلا تقول هناك أمتى نجدها

© 2024 - موقع الشعر