ياليل

ماعاد لك ياليل قدر ونلبّي
وماعاد لك هاجسٍ يطري عليّه

وماعاد حروف الشعر لنجمك تهبّي
ولا عاد نسناسك يغريني مجيّه

أول أنا والبوح نحطب ونشبّي
ندفي ضلوعك يوم جفوك البريّه

ذبحت فيني القلب وجميلي تكبّي
وجحدت حب أدفاك ونكرت الوصيّه

أذكرك حليف الروح تذّع وتصبي
وأذكرك بعد ياليل لجرحي وليّه

أمنول أحمي بك قصيدٍ مخبّي
وألحين عفتك يوم تعوف الحميّه

بالله قل ياليل حلفتك بربي
تقول ليه اليوم تصدّ التحيّه

ماعاد فيك ألحين شيٍ نحبّي
ولا عاد صرنا بك نسوق المطيّه