ياصاحبي لاحوّل ماعاد لي راي
لعبت في فكري كم لعب شطرنج
اتهون بلوا المبتلي عند بلواي
خف الغلا عن مغرمن حانجه حنج
لاشوف لااسمع لااعرف وين مرساي
افيق واغيّب مثل صاحب البنج
مما جرالي منك تصخف لي اعداي
ارفق بحال مولعن سانجه سنج
كني بعزله ماش مخلوق وياي
بغياهبن من دش فيها فلا ينج
اصارع امواج الدهر وانهك اعضاي
في غبتن من عمقها يطبع اللنج
احرمتني يازين من طعم دنياي
يامن عليك اهل الهوا ارقابهم عنج
هذا صوابك بالحشا ينزف ادماي
متمكن بالقلب خمسة عشر انج
ماعاد يبرا ناقلن داي برداي
خليت قلبي عقب الايقان يخلنج
لاماك يغنيني عن الزاد والماي
انت الهوا وانت الدوا بطبعك الغنج
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.