صانع المعروف - سعود الوسمي

قلبي الي لاستراح ولادله
شيب براسي قبل وقت المشيب

مقصده لاهو غرام ولا وله
مقصده علم الفخر لوهو صعيب

واهني الي تعبله ووصله
اشهد ان الطيب من طيب النصيب

نال تاج الطيب والمجد احمله
ماخذه لامن بعيد ولا قريب

من بغى الطولات يفعل مافعله
لا يتردد الفخر دربه تعيب

كل راعي عمل يجزى بعمله
الردى بدل الردى والطيب طيب

صانع المعروف في غير اهله
مثل من فرغ صميله فالشعيب

قالها الي ماتغطرس بجهله
التجارب فاد صاحبها الطبيب

شاعر (ن) اليا بغى الشعر افتله
ما ختلس بالشعر يزعب من جليب

© 2024 - موقع الشعر