يازين

يازين لو حاولت صعبن رجوعي
لاتعتذر مافيه داعي للاعذار

وش عاد لو خدّي شكا من دموعي
والله ماارجعلك ولو صار ماصار

الحر ياعذب السجايا جزوعي
ماهو على بعض المواضيع صبّار

وانا نسيتك ياغريب الطبوعي
ماعاد لك في داخل القلب تذكار

جزاك يومنّك لوصلي قطوعي
حبّن بليّا اخلاص لابد ينهار

وانا تركتك باقتناعي وطوعي
عندي عزيمه يااريش العين واصرار

مهما حصل يازين مااعلن خضوعي
لاوالذي بيديه تصريف الاقدار