ياصاحبي

لـ ، ، في غير مُحدد

ياصاحبي واللي فرض حجة البيت
إن الوفا له في ضميري دلايل

البارحه هانت عليه وشبيت
ضوي وقمت أعد كم لك جمايل

لاخابت الهقوات فاللي تهقويت
ماتنفع الصملات راع الصمايل

ياصاحبي لا جيت أبنسى وسجيت
لقيت لك في كل عرق غلايل

ما أخطيت يومني بصدقي تماديت
والصدق تتعب له بنات الحمايل

أنا ما ظن إني لحدي تعديت
ولا ظنتي قولي بليا فعايل

اللي حوالينك تراهم شماميت
وقدام عينك يدعون الفضايل

أنا الوفا لي في دروبه ترا صيت
وصيتي تسنوا به جميع القبايل

والبارحه ضاقت بوجهي ومليت
وقمت أتكاثرها ولو هي قلايل

وأبعتذر إن كان في حقك أخطيت
وإلا لحقني من وفايه خلايل

لكن ترا واللي فرض حجة البيت
إن بضميري للمحبه دلايل


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر