لا شك قلبي

لا شك قلبي من محبتك تايب
ولا شك جفن العين أهتنى بالنعاسي

ولا شك خاطري بذكرك اليوم طايب
ولا شك أنا أقفيت ياهمّ باسي

كنت الغلا والملا وأنت عايب
وكنت السعد والفرح وصدق المآسي

ماني على وصلك يامشغول جايب
خلك بشغلك يوم شغلك يقاسي

كنت أفتكر بالوصل تكون صايب
أثرك لزول الصد تحنّ وتواسي

لا عاد ترجي هقوتي وقلب شايب
أرحل وأنا أبرحل وهاك إلتماسي

دربك درب الشقا يانبض سايب
ودربي درب الهجر وجِدّ إنتكاسي