الشعور اللي يصاغ بقصةٍ مكذوبه

لـ احمد بن مطر الهاجري، ، في الحكمه والنصح، آخر تحديث

الشعور اللي يصاغ بقصةٍ مكذوبه - احمد بن مطر الهاجري

الشعور اللي يصاغ بقصةٍ مكذوبه
لا تدرّجها على الجمهور بالقيفاني

لاتزيّف وصفة بيوتك على المحبوبه
سارقن من فلسفة نيزارها القباني

كان ماسويتلك بين الحظور عجوبه
لا تحاول تغتبس لفلان امن فلاني

لو تترجم واقعك فأبيوتك المكتوبه
يمكن انك تلمس شويه من الوجداني

زيّن بيوتك ومن يعجبك اخذ اسلوبه
التصنع واقتباس الشكل شي ثاني

من سببك بيوت غيرك جاتلك منسوبه
واتباها في معانيها ومنها تعاني

زلةٍ محسوبه وزله ماهي محسوبه
الصديق يحطها ويشلّها القوماني

البشر حولك ثقافتها ماهي محجوبه
عقلها متفاوتن بالزود والنقصاني

وكل شاعر لا لبسله ثوب ماهو ثوبه
مايطوّل لو يوراله غداله شاني

يحسب ان الشعر بهجينيه ومسحوبه
مادرى فبحوره تضيّق على الرباني

من دروبه صح لا ينشد ياوين دروبه
يتضح قدامه الرابح امن الخسراني

الشعر حسناه لو يغلب كثير ذنوبه
كان شعّار الهجا في عالم النسياني

© 2022 - موقع الشعر