صمت الشعور - فيصل المريسي

هنا في مملكة صمت الشعور ودمعة الاحزان
هناياسالفة عمر المكان وضيه ونوره

هنا شفتك مثل حلما كانك من ملوك الجان
تمري داخل انفاس الغرام وتسكني شعوره

قريتك من نظر عينك وقلبك مابعد لي بان
واحسك من نظر عينك شقيه وبنت مغروره

شعوري ماخدعني يوم ولاظني بعدغلطان
اجل وشلون لا شفتك وتهت بعالم الصوره

ياخوفي ينكسر داخل غرامي كبريأانسان
واموت من الوله واقف على اطراف تنوره

دخيلك خففي عني جحود الحب والعصيان
دخيلك لا تخليني مثل من ينتهي دوره

كفايه اني من عنادك شربت الذل والحرمان
واحس اني وسط قلبك وانا في ارض مهجوره

كأني ماخلقت الا الملم باقي اللي كان
وانا قلبي مع قلبك جروحه تلغي حضوره

الا ياساكنه بين الضلوع وروعة القيفان
دخيلك كفني قلبي بنبض الشعر وبحوره

وعودي بي الى صمت الشعور بداخل الجدران
مدام الصمت مايقبل يشوف ابيات مكسوره

وتعالي جربي حظي وهدي ثورة النسيان
تعالي لعنبو جدك علامك ليه مغروره

© 2023 - موقع الشعر