ياشذابة العرقوب ماعلمكم بمصيب - احمد بن مطر الهاجري

ياشذابة العرقوب ماعلمكم بمصيب
ترانا مع اهل الطيّب تذكر اسامينا

حفظنا مبادينا وحنا هل الترحيب
ولا غيّرت فينا الليالي مبادينا

ابد مالحقنا فالمواجيب شك وريب
على طيبنا يغتاض منهو يعادينا

مافينا ردى ولا طرقنا دروب العيب
لتبطون ماتلقون غير الكرم فينا

مانشكي مخابينا اليا جا لزوم الطيب
كريمين حتى لو تهاوت مخابينا

© 2024 - موقع الشعر