الحب تعبير وشعور

لـ حمد بن توزان، ، في الغزل والوصف، آخر تحديث

الحب تعبير وشعور - حمد بن توزان

الحب تعبير وشعور
مخلوط باحساس ووفا

ماهو ترى حب الظهور
ولا تعمدك الجفا

دايم وانا اقطف لك زهور
وأدللك يالمترفا

ياللي بتعذيبي فخور
يالقاسي المتعجرفا

وانا اذا زاد الغرور
بقول لك هذا كفا?

الى متى وانا صبور
قلبي من الغدر أكتفا

وان شفتك تلف وتدور
وتلعب وقلبك ما صفا

أبتركك نقطة عبور
وبعتبر قلبي غفا

وأنا إذا ابعدت معذور
ما ارضى بشي مزيّفا

واللي نوى فيني يبور
ترى مسحته واختفا

حمد بن توزان
© 2022 - موقع الشعر