تعبير عقلي - عبدالمحسن نايف بن عميره

صوت الرعود المدويه بالصحاصيح
والبارق اللي مافصل جوف دهمه
في ليلتن مبروكتن مابها ريح
من العشاء سمى مطرها لجهمه
وسجة قدم مع جوها للطحاطيح
كلن يقوم بواجبه قبل نهمه
هاذي مناتي يالقلوب يالمجاريح
وطراة روح اللي برى الحال وهمه
ماذاقها اللي ضارين بالمساديح
وهمه بوقته زين لبسه ولهمه
خلوني أدله يابشر قبل لاطيح
مبعد عن الحذاف ولكل تهمه
العمر صيده والليالي ملاويح
والوقت رامي والمقادير سهمه
من ديرة الذم ماطلبت المداديح
تعبير عقلي للعرب حد فهمه
© 2022 - موقع الشعر