راح الزمان اللي مضي مع شبابه
وجانا زمان ٍ يقلب الفكر تقليب
حتى الحصيني قام يكشر بنابه
قام ايتناوش مكرمين المواجيب
الله واكبر يا سباع ٍ تشابه
كيف الثعل يشره على مسكت الذيب
امن اول ٍ يا ذيب عندك مهابه
تشره على الرجال والفطر الشيب
اللي مضى يا ذيب راح ابسرابه
الله واكبر يا زمان المراقيب
خل الحمل فوق الجمل مع زهابه
لا تامن الدنيا ترابه مطاليب
واللي حصل يا ذيب واضح جوابه
الله يعين اللي بقلبه دواليب
احرص ترا اللي كل حولك ذيابه
ما يجرح الرجال غير العذاريب
ابو عرب
تعليقات الزوار
- كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
- بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
- إدارة موقع الشعر لا تتابع التعليقات المنشورة او تقوم بالرد عليها إلى نادراً.
- لتواصل مع ادارة موقع الشعر إضغط هنا.
