(( تـعبـت , تـعـبـت , تـعـبـت )) - سعود العازمي

تعبت اضمد جروحي واجبر خاطري مكسور
غديت بشوق يتعبني وانا اجاوب مواويله

تعبت اجاهد العثرات واخفي همي المستور
اشيل الهم وانتي هم تتعبني منازيله

تعبت اقول احبك (حب) ..احبك والمدى بشهور
خلاص اليوم بنهي دمع ..كفك هي مناديله

تعبت انصحك لاجل رضاي يوم ان الشعور يثور
تعبت امر ذاك البيت واذكر بك مداهيله

تعبت اصبر على مثلك ترا ماصار في اقصور
انا من يقضب الفرصه على ظلمت جهاهيله

تعبت اقسى..تعبت انسى..تعبت اقول يا المشكور
تعبت اقبل ذحاح السم واشرب من فناجيله

خسرنا ما بذلنا ..وش كتبنا يوم ذاك النور ؟؟
خلاص الحب طفي ماملكتي من قناديله

خلاص انتي بذاكرتي كما نقطه بجوف بحور
خلاص القلب وقف عند صدك في مراسيله

ابوعرب
© 2024 - موقع الشعر