الا يا عيون اللي شلع برقعه سلطان
يهده مع الغزلان بارض ٍ خلاويه
وانا بذكر الله واتعوذ من الشيطان
تقود المها والعين يا عين حوريه
هنوف ٍ تمدرا كنها قايد الغزلان
تهز العذارى يوم قالوا كويتيه
ليا طالعت بعيونها قلت يا سبحان
حسبته اتهاوشني واثرها طبيعيه
عنود المها لا طالعت ترهب الفرسان
تصيده قبل يصيد عين النداويه
عليها اشقر ٍ لا هلته كاسي الامتان
مثل ذيل صفرا شعته باول الهيه
الا وهني اللي كسب حبلها ربحان
لو نه يسوق اولاف ميه على ميه
ابوعرب
تعليقات الزوار
- كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
- بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
- إدارة موقع الشعر لا تتابع التعليقات المنشورة او تقوم بالرد عليها إلى نادراً.
- لتواصل مع ادارة موقع الشعر إضغط هنا.
