وصف القرم واللاش

مبدع بنظم الشعر لامن بغيته
ومبدع بوزن الحرف بوقتٍ عنيدي

ومبدع بوصف القرم يستاهل فديته
ومبدع بهشّ اللاش وقت النقيدي

ذيب إلى أحتجت وبصوتك نعيته
يعوي عوى الهجمات ويبذل جهيدي

شفته ولد ذيبان وذكره هويته
رابي مرابي رجال وبسلمه يجيدي

وضفعه إذا أحتديت وزهمته نخيته
ينبح نباح ضفاع وسط الجليدي

يتبع خطى أخطاك لامن سقيته
ويدور سواقي الغير وقت الشديدي

قالوا في ذيك أزمان وشعرٍ رأيته
إن الجمل والداب وسيل وعبيدي

معدوم ثقتهم فيك حتى لاشريته
يجيك فذاك الوقت ويغدر يكيدي

ماتدري ذيك أزمان بوقتٍ رعيته
إن العدم هالوقت أصبح يحيدي

ولاتدري عصر أجداد بجيل عريته
إن العدم بهالوقت ماله عديدي

صار العدم ياسعود بخال عنيته
وصار العدم يزداد وثقته فقيدي

عساك يامعدوم لعدم(ن)نويته
يرجع عليك العدم بوسط الوريدي