في مجلس اللي يبذل الطيب من طيب
قيدوم ربعه و كل غانم يجيله
للمرجله حرٍ عطيب المظاريب
ما يرتضي من دون راس الطويله
القرم ابو راكان عذب التراحيب
راع العلوم الوافيه والنبيله
دار الحديث ولا على العلم تكذيب
في مجلسه والقاف يقدح فتيله
عن مفلح الكايد وحفظ المواجيب
ما له مثيل وغير عن كل جيله
أبو سعد زيزوم ما به عذرايب
اليا ارتكى للحمل مفلح يشيله
الهيلعي من يزبنه حارم يخيب
وكل درى بفعول زبن الدخيله
شاش وتحيزم بالولي عالم الغيب
منشي السحاب من البحور المهيله
بصدور عدوانه يشبّ اللواهيب
وللصاحب ارهى من الغصون الضليله
ساد وتسيّد ما بها شكٍ وريب
أبو سعد مفلح لحاله قبيله
يرقى سنود وفوق روس المراقيب
من ساس قومٍ كاسبين النفيله
تاريخها أكبر من ايّة مكاتيب
وابن ادم اليا تاه ينشد دليله
خوالدٍ تارد على الموت وتهيب
بيض القطا من قوها تحتميله
وعياله اصغرهم ليا من قنب ذيب
في فزعته يبري القلوب العليله
أذكر بهم خالد منزه عن العيب
مع صغر سنه مير ما فيه حيله
خواله ابن مهيد عوق الأصاعيب
اهل الكرم واهل العلوم الجزيله
لاجل الدخيله شاش شوق الرعابيب
حن عزوتك ي بدور يا ويل ويله
لاصير لك والله بالفزعة كليب
يومٍ تعزوى وشاش لاجل الجليله
هذا وتمت والرجا بعالم الغيب
منشي السحاب من البحور المهيله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين