الا يالله ياساتر ذنوب اللي عليه ذنوب
سترت ذنوبه الواجد ولا عرّيت بذنوبه
ضفا سترك عليه وتحت سترك لابسله ثوب
وهذي رحمةٍ منّك ضفا سترك على ثوبه
تحت حكم الظروف القاسيه مانعلم المكتوب
وانا مؤمن ياربي واعلم الاقدار مكتوبه
ظروف الوقت تشغلنا وتفتح بالدروب دروب
ياكم رجلن تعنى واتعب الاقدام بدروبه
اجنب عن دروب اهل الهوا راضي ولا مغصوب
لكن النفس بعض احيان محديّه ومغصوبه
شياطين الهوى تلعب بقلب الهايم المحسوب
واهو ادرى بنفسه يوم له زلات محسوبه
مابين عيونه الشيطان صاير فالهوى مندوب
والا يابلشت الرجال بعيونه ومندوبه
اسآلك ياولي العرش تهديني بعد ماتوب
وتقبل توبتي وتجعل التوبه هي التوبه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.