قال الذي يصخر ابيات القصايد نظم ولا زمل
واليا رقا الرجم صاغ المفردات وشل موالها
سلام تسليماً ازكى من شذا الكادي وريح النفل
لاذعذع الريح تحت الغيمة اللي هل همالها
تسليماً الذ واحلى من حلى السكر وذوب العسل
واغلى من الماس والياقوت واللولو وسلسالها
يلفي على اللي بوقت الجد يعدل صف ومية رجل
رمزاً تعده قروم الناس وتعده من ابطالها
راعي المواقيف والقالات واللي يرتكي للحمل
من روس دعوى بني مالك ورجالاً من رجالها
حظرة جناب المكرم والعصامي الشجيع البطل
قايد من القادة اللي في المعارك تثبت افعالها
بوماجد اللي ليا قالوا عن الرجال قول وفعل
بحر الندا والشهامية ومنبعها ومنهالها
اللي رقى سلم الامجاد والطولات حتى وصل
للقمة اللي كثير الناس ما وصلو لميصالها
أنته مثالاً مشرف وانت للوقفات مضرب مثل
ياعون الاقراب والاصحاب لامن شانت احوالها
بشرح لك الحال والاحوال واللي صار واللي حصل
وضروف وصروف ضدتني وحدتني على جالها
احمل على كاهلي وأشيل حملاً مايشيله جمل
وارهقني الدين يامشكاي والاوضاع يرثى لها
والفقر يامطلق الكفين علة من كبار العلل
كم روس قوماً حداها الفقر حتى بدد امالها
واعطيتك العلم وآنا واقفاً في راس قمة جبل
في ليلةً حالكة مدري متى يبدي لي هلالها
جندب المالكي
