قصيدة في النقيب فيصل بن عبدالملك

يكبر الرجال فعله .. دايم ف عين الانام
لاتجمل له جميله / مايدوّر ردها

الكريم ليا عطى .. عن كثير الهرج صام
مايجي في كل مجلس (عشان يعدها)

‫اسمحولي ياجماعه . ترى الموضوع هام‬
‫لازم انعرّج عليهم … وناقف ضدها‬

فزعة الخايب/ وخيمه عساها للعدام
لابو الفزعه من اللاش لابو جدها

(المناصب والرتب) عالية قدر ومقام
ما تبا الا من (يجمّل ويكسب ودّها)

ماتبا اللي (لابس ابريه)(ونجومه وسام)
وان نصته ارجال في علم هين (ردها)

ودك تخافت هذا الشخص / وتقله كلام
وش تبا في رتبتك ؟ ( زال منته قدها )

كيف حطتك الحكومه مع الصف الامام !
وانت عاجز ثغرت الضعف فيك تسدها

دوروا له يا جماعه عذر .. ولأ ملام
العوض في راس منهو عليه - انردها

فيصل اللي طال صيته وعانقه الغمام
المعالي حدّته … والجمايل حدّها

ايتجدد طيب صيته ويفرق كل عام
ويكحل عيون الجمايل • وياسم خدها

مستحيل يقدم العذر .. لو جاه التزام
وبشهادة ناس غيري كثير ن عدها

كم فزعت وكم بذلت ، وتخطّيت النظام
وكم عوايل بالوظيفه سعيت - فمدها

لاغرابه - وانت من اصل منبعه الكرام
لابتن وقت المواقيف (تحمى حدها)

من مراكض خيلهم ، عزمك المشهود قام
انت مثّلت القبيله • وصاين حدها

اسلم وسلم - بعد وصلت لمسك الختام
جيت ابارك لك وقولك شد يدك ومدها

الف مبروك ( المقدم ) ومنها للامام
(واللواء) لن قاله الله تجي لابدها

القوافي فيك تفخر - وتضرب لك سلام
(والتحيه) من على المنبر لك انردها ✋?

#فهد_المنصوري