اللي تقوله ذنب ما هوْ بتوبه

ياشيخنا من توبتك لازم تّْوب
اللي تقوله ذنب ما هوْ بتوبه

اذا انت مخطي فاعتذر مأنت مغصوب
لكن لا تعمم وتصبح عقوبه

كنت احسبك ما تلبس الثوب مقلوب
وتسخر من الماضي وتكشف عيوبه

عزالله انك كنت فالناس محبوب
لكن حبك ما بقى منه طوبه

من يوم لا تيأس من الغير منهوب
ما عاد لك علمٍ تذعذع هبوبه

في مدرسة سيّد قطب كنت موهوب
توصي لنا بكتبه وتخفي عيوبه

وانا ادري ان الادامي كله اذنوب
لكن من يتوب تغفر ذنوبه

وتبي حديثٍ صدق ما هوْ بمكذوب
خالي من افكار النفوس الكذوبه

اليوم صرت بْصوب والحق في صوب
لا هو بلا صوبك وانته بصوبه

ترى الخطأ لا صار من رجل محسوب
يقل مقداره وتكبر عيوبه