توهااان .. مختوم بتوبه !

لـ فهد المنصوري، ، في غير مصنف، 24، آخر تحديث

توهااان .. مختوم بتوبه ! - فهد المنصوري

ابالي خط يبعدني ومقطع عزف عود وناي
‏‎‏‎‏ختاخيت الدروب المهمله صاحبك طارقها

‏ابالي ارض تاسعني وتاسع حيررتي وخطاي
‏‎‏‎‏كثر ما استوحش المبلي بعد غيبت مفارقها

‏انا لاضاق بي صدري افضّفض واتّكي فقصاي
‏‎‏‎‏ثلاث اربع وخمس ابيات(واللوعات ندرقها)

طموحي مستمع جيد اغني له على ليلاي
‏‎يشاركني شعور الذنب لين اطفي دقايقها

يشابه للبكى وقعه وترخص قيمته لولاي
ثلاث اربع وخمس ابيات لين يشيب مفرقها

احب أبني ركايزها واغني وحتكم ف بناي
وهوّجس وادخل(فعالم خيالي) لين ازبرقها

اغنيها على صوتي واهندمها على شكواي
من اللي في صميم القلب والاجسام يرهقها

اسيّر به على جرحي قبل ما يستدل ابكاي
‏‎ليامن وسّمت فالجلد (ضربه)من مطارقها

وغيري يحسبنّ الشعر مثله مثل شربة ماي
نسى بان الشعر فكره(صميم الفكر خارقها)

ليا من ضاقت الدنيا عليّ وقلت عوّد جاي
يجيني محتزم (بام الفتيل)الله يوفقها

(هجوسن) مالها حادي تجي وانا على مركاي
تجي عنوه تخيّم في شفا نفسي وتقلقها

تقَاسمت السهر معها وطعم البهذله بالباي
وتفرح لالقت فكره على الشعار تحرقها

افكر فيك يالشاعر وحزني يستبيح ارضاي
‏‎وش اللي تستفيده من قصيده لاح بارقها

لقيتك فالوجع غارق وعندك علّتي ودواي
بيوت الشعر لوضاقت مع اوسع باب نمرقها

خسرت الاوله يالله لكن مابخسر اللي جاي
عقارب ساعتي صارت سريعه مقدر اسبقها

تعبت وتعبت احلامي تدوّر للفرج والناي
‏‎نست بأن الفرج (دعوه)لرب الكون نبرقها☝🏼

أجيها خاشع فسجده وربي يستجيب ادعاي
وابلّل لحيتي بالدمع من خشيته واغرقها

#فهد_المنصوري
© 2024 - موقع الشعر