حكاية حب - خالد بن عبدالعزيز التميمي

طلبتي ارسمك صورة
على اكبر مساحاتي

طلبتي آخذك دورة
على اطول مسافاتي

طلبتي اعشقك واكتب
على دفتر حكاياتي

طلبتيهاقصيدة حب
تجين بكل ابياتي

خذيت اقلام منثورة
لقيت اقلام مكسورة

ابيها تكمل لصورة
ابيها من خيالاتي

اخذتك للهوى مشوار
وبك شوق المحبة طار

عطيتك مجمل الأسرار
ابي تلمس معاناتي

كتبت اللي طرا في البال
عن اللي صابه الزلزال

ابيها تذكر الأجيال
وترويها حكاياتي

نظمتك للغلاابيات
ولحنتك على النغمات

وغنيت اللحن آهات
ابثه في محطاتي

لقيت الصورة مقلوبة
وكاسيهاالجفى بغبار

غرامي تاهت ادروبه
خسارة كل هالمشوار

دفاتر عشق مشبوبة
وماباقي لهاتذكار

قصايد حب مكتوبة
نسيتي كل هالأشعار

تعالي نعلن التوبة
عن اوقات الجفى ونعود

ونلبس للغلاثوبه
ونكسي حبنا الموعود

تعالي نرسم الصورة
وناخذفالهوى دورة

ونصبح قصة مشهورة
واعيد اكتب حكاياتي

خاااااااااااااااااااالد
© 2024 - موقع الشعر