ياصاحبي عذرًا

لـ توفيق رجاء الله الشماسي، ، في الغزل والوصف، 57، آخر تحديث

ياصاحبي عذرًا - توفيق رجاء الله الشماسي

ياصاحبي عذرًا على البوح ماطقت
ما عاد لي في حبس الاشواق قوّه

ياصاحبي عن كتم الأسرار ماضقت
غير الخفوق يصالي الشوق جُوّه

استبطي الأوقات يا ثقل هالوقت
والهم في عرض الثواني تنوّه

ياغيمة أحلامي قبل تمطري فقت
ولازلت في رجوى تباشير نوَّه

مكسور شوقي والأمل فيك علقت
هذا خفوقي بالأحاسيس روّه

أمثّل أني رقت والحق مارقت
كنك رحلت اليوم والجرح توّه

جعل الغلا اللي اول احوالنا ذقت
يشرق على عتم الأماني بضوه

غرّبت في دنيا هيامك وشرقت
وغير الهجر .. اللي تسويه سوّه

© 2024 - موقع الشعر